Пазар3 донираше во "Домот за доенчиња и мали деца, Битола"

Релаксатори и играчки за секое дете, донираше вчера Пазар3 во Домот за доенчиња и мали деца, Битола.

Љубовта и вниманието се незаменливи, меѓутоа среќни сме што нашата компанија е во можност да им помогне на овие дечиња од аспект на средства и помагала за нивен здрав раст и развој.

Во текот на вчерашниот ден, вработените во Пазар3 имавме шанса да се запознаеме со дечињата кои се сместени во групни домови во зависност од возраста и нивните потреби. Неопишливо е чувството да се помине макар и кратко време помеѓу тие мали, слатки души, желни за љубов и дружба. Им се заблагодарувме на директорката на домот, и нивните вработени кои топло не пречекаа и ни дозволија да поминеме малку време со нив.

Домот за доенчиња и мали деца, Битола, има деца од целиот регион на Битола, вклучувајќи ги и околните градови и села. Соработката помеѓу домот и Пазар3 ќе продолжи и понатаму во облик на донирање храна, лекови и средства за хигиена на месечно ниво.

Со овој гест, ги повикуваме и се надеваме дека и другите компании, и сите хумани луѓе, ќе донираат во Домот за доенчиња и мали деца, Битола!